మనసున మల్లెలు..

గాయని, నటి, దర్శకురాలు, సంగీత దర్శకురాలు, ప్రొడ్యూసర్, రచయిత, స్టూడియో ఓనర్ అయిన బహుముఖప్రజ్ఞాశాలి భానుమతీరామకృష్ణ(సెప్టెంబర్ 7th, 1925 - 24 December 2005)జయంతి ఈవేళ. ఈ సందర్భంగా అమె పాడిన పాటల్లో, "మల్లీశ్వరి" చిత్రంలో నాకు ఇష్టమైన రెండు పాటలు.

నా all time favourite ఈ పాట..
చిత్రం: మల్లీశ్వరి(1951)
రచన: దేవులపల్లి కృష్ణశాస్త్రి,
సంగీతం: ఎస్.రాజేశ్వరరావు
పాడినది: భానుమతి


మనసున మల్లెల మాలలూగెనే
కన్నుల వెన్నెల డోలలూగెనే
ఎంత హాయి ఈ రేయి నిండెనో(2)
ఎన్ని నాళ్ళకీ బ్రతుకు పండెనో

కొమ్మల గువ్వలు గుస గుస మనినా
రెమ్మల గాలులు ఉసురుసుననినా...
అలలు కొలనులో గల గల మనినా(2)
దవ్వున వేణువు సవ్వడి వినినా(2)
నీవు వచ్చేవని నీ పిలుపే విని(2)
కన్నుల నీరిడి కలయ చూచితిని
ఘడియ యేని ఇక విడిచిపోకుమా(2)
ఎగసిన హృదయము పగులనీకుమా
ఎన్ని నాళ్ళకీ బ్రతుకు పండెనో
ఎంత హాయి ఈ రేయి నిండెనో

**********************************

ఇదే సినిమాలోని మరో పాట "ఎందుకే నీకింత తొందర" కూడా నాకు బాగా నచ్చుతుంది.

రచన: దేవులపల్లి కృష్ణశాస్త్రి,
సంగీతం: ఎస్.రాజేశ్వరరావు
పాడినది: భానుమతి


ఎందుకే నీకింత తొందర(2)
ఇన్నాళ్ళ చెరసల ఈ రేయి తీరునే (2)
ఓ చిలుక నా చిలుక ఓ రామ చిలుకా
వయ్యారి చిలుక నా గారాల చిలుకా
ఎందుకే నీకింత తొందర

బాధలన్నీ పాత గాధలై పోవునే(2)
వంతలన్నీ వెలుగు పుంతలో మాయునే
ఏలాగో ఓలాగ ఈరేయి దాటనా
ఈ రేయి దాటనా
ఈ పంజరపు బ్రతుకు ఈ రేయి తీరునే
ఎందుకే నీకింత తొందర

ఆ తోట ఆ తోపు అకుపచ్చని గూడు
ఆ వంక గొరవంక అన్నీ ఉన్నాయిలే(2)
చిరుగాలి తరగలా చిన్నారి పడవలా
పసరు రెక్కల పరచి పరుగెత్తి పోదాము
ఎందుకే నీకింత తొందర