నాకిష్టమైన రాముని పాటలు

ఎందుకంటే చెప్పలేను కానీ నాకు రాముడంటే చాలా ఇష్టం. ఇవాళ శ్రీరామనవమి కదా నాకిష్టమైన రాముని పాటలు పెడదామని చూస్తే ఎక్కడ మొదలెట్టాలో తెలీలేదు. భద్రాచల రామదాసు కీర్తనలు(ఇవి నాకు బోల్డు ఇష్టం) పెట్టాలా? త్యాగరాజ కీర్తనలు పెట్టాలా? లేదా నాకు నాకిష్టమైన రామునిపై ఉన్న సినిమా పాటలు పెట్టాలా? నాగయ్యగారి త్యాగయ్య పాటలు పెట్టాలా? లవకుశ లో పాటలు పెట్టాలా? ఆలోచన ఎంతకూ తెగలేదు...! ఆఖరికి సినిమా పాటలే పెట్టాలని నిర్ణయించుకున్నా. ఈ క్రింద ఉన్నవి సినిమాల్లో నాకు నచ్చిన రామునిపై పాటలు. ఆసక్తి ఉన్నవాళ్లు వినండి..చాలా అయిపోతాయని క్రింది పాటల్లో త్యాగయ్య లోవి(all songs), లవకుశ లోనివీ(రామన్న రాముడు,రామ సుగుణధామ , సందేహించకుమమ్మా, వినుడు వినుడు ,విరిసె చల్లని వెన్నెల) కలపటం లేదు.

1)మనసెరిగినవాడు _ పంతులమ్మ

2)శ్రీరామ నామాలు శతకోటి _ మీనా

3)నీ దయ రాదా _ పూజ

4)మరుగేలరా _ సప్తపది

5)ఊరికే కొలను నీరు _ సంపూర్ణ రామాయణం


6)రామయతండ్రి ఓ రామయ తండ్రి _ సంపూర్ణరామాయణం

7)నను బ్రోవమని _ రామదాసు(నాగయ్య)

8)అందాల రాముడు ఇందీవర శ్యాముడు _ ఉయ్యాల జంపాల

9) శ్రీ సీతారాముల కల్యాణం చూతము రారండి - సీతారామ కల్యాణం

10)రామా కనవేమిరా _ స్వాతిముత్యం

11)సుధ్ధ బ్రహ్మ పరాత్పర రామా _ శ్రీరామదాసు

12)రామ రామ రామ _ శివమణి

13)రాయినైనా కాకపోతిని _ గోరంత దీపం. పాటలో దు:ఖమున్నా ఉపమానాలు బాగుంటాయి.

ఇంకా, పదములె చాలును _ బంగారు పంజరం, ఏమి రామ కథ శబరీ శబరీ _ భక్త శబరి.. ఈ రెండు పాటల లింక్స్ దొరకలేదు..:(

--------------------

చివరిగా, ఆహిర్ భైరవి రాగంలో ఉన్నికృష్ణన్ పాడిన "పిభరే రామరసం"