బాపు 'బొమ్మల కొలువు' చిత్రాలు - 4 (చివరి భాగం)

ఈ టపాలో కొన్ని కథలు, నవలలకు బాపు వేసిన బ్లాక్ & వైట్ ఒరిజినల్ బొమ్మలు, డాన్స్ ఫార్మ్స్, అందమైన రమణులు మొదలైనవి సర్దేసాను.

"అమ్మకు జేజేలు" అని పెట్టిన ఈ బొమ్మలు నాకు చాలా నచ్చాయి.

ఈ బొమ్మ చాలా నచ్చింది.

ఒమర్ ఖయ్యం రుబాయీల తెలుగు అనువాదానికి బాపు వేసిన కవర్ పిక్చర్ ఇది.

ఈ ఆఖరి టపాతో నేను తీసుకున్న ఫోటోలు చాలా వరకూ చూడనివాళ్ళ కోసం పెట్టాను. నా ప్రయత్నం కొందరికన్నా ఆనందాన్ని కలిగిస్తే నాకు సంతోషం.

బాపు 'బొమ్మల కొలువు' చిత్రాలు - 3

లైట్ పడకుండా తియ్యటం కోసం కొన్ని ఫోటోలు పక్కనుండి తియ్యాల్సి వచ్చింది.

ఇది కొంచెం మసగ్గా వచ్చింది కానీ ఈ ఫోటో నాకు బాగా నచ్చింది.

ఒక స్వాప్నికుడు నిష్క్రమించాడు !

ఒక స్వాప్నికుడు నిష్క్రమించాడు
ఒక కుంచె వెలవెలబోయింది
రంగులే రక్తంగా బ్రతికిన
ఓ సంపూర్ణజీవితపు వెలుగు ఆరింది
మరో పర్వం ముగిసిపోయింది !

ఎం.ఎఫ్.హుసేన్ గురించి ఇప్పుడే చూసిన వార్త ఈ వాక్యాలు రాయించింది. ప్రత్యేకమైన అభిమానం ఎంతమాత్రం లేదు. మిగతా విషయాలెలా ఉన్నా... ఒక చిత్రకారుడిగా గౌరవం ఉంది.
అతని ఆత్మకు శాంతి కలగాలని ప్రార్ధిస్తున్నాను.

आँखों में रहो

http://www.youtube.com/watch?v=8CM57Sx0lRM



"కంపెనీ"(రాంగోపాల్ వర్మ)సినిమాలోని ఈ పాట నాకు చాలా ఇష్టమైన పాటల్లో ఒకటి:

आँखों में रहो
बाहों में रहो
होंट पे रहो
या दिल में रहो
ये सारॆ घर है तुम्हारॆ
जहाँ भी दिल चाहॆ रहो

सांसॊं में रहो
धड़कन में रहो
पल्कों मॆं रहो
जुल्फॊं मॆं रहॊ
ये सारॆ घर है तुम्हारॆ
जहाँ भी दिल चाहॆ रहो


पास हमारॆ आना है तॊ
बिना बुलायॆ आजाना
कॊई निशानी दॆजाना
थॊशी सी खुश्बू मॆजाना
यादॊं मॆं रहॊ
ख्वाबॊं मॆं रहॊ
रातॊं मॆं रहॊ
या दिन मॆं रहॊ


आज नजानॆ ऎ क्या हुवा है
कॊई जरा ऎ समझायॆ
इत्ना सुरूर चाया हैं
जी कर्ता है मर जायॆ
वादॊं मॆं रहॊ
कस्मॊं मॆं रहॊ
आंचम मॆं रहॊ
काजल मॆं रहॊ
ये सारॆ घर है तुम्हारॆ
जहाँ भी दिल चाहॆ रहो

బాపు 'బొమ్మల కొలువు' చిత్రాలు - 2

వంశీ కోసం వేసిన చిత్రాలు:

 గ్యాలరీ లోపల లైట్లు పడటం వల్ల ఫోటోలు కొద్దిగా క్లారిటీ తగ్గాయి. కొన్నింటి మీద బాగా లైట్ పడిపోవటం వల్ల బావున్నా ఇక్కడ పెట్టటం లేదు.

 

అదివరకూ విజయవాడలో బాపూ బొమ్మల ప్రదర్శన పెట్టినప్పుడు సినిమాల సెట్ల కోసం వేసుకున్న బొమ్మలు కూడా పెట్టారు. (వాళ్ళ సినిమాల్లో ప్రతి ఫ్రేం ముందుగానే బొమ్మ గీసేసి పెట్టుకుంటారుట బాపుగారు. అచ్చం బొమ్మలాగానే ఉండేలా సెట్ తయారుచేస్తారుట.) ఈ ప్రదర్శనలో అలా సినిమాలకు వేసినవి పెట్టలేదు. అవి భలేగా ఉంటాయి. తదుపరి టపాలో దేవుళ్ళ బొమ్మలు...

బాపు 'బొమ్మల కొలువు' చిత్రాలు - 1

పైన ఫోటోలోని పుస్తకాలు చాలా అపురూపమైన పుస్తకాలు. నాన్న కలక్షన్ లోవి. వాటిల్లో మొదట కనబడుతున్న బొమ్మల కథలు అనే లావుపాటి పుస్తకం లో మొట్టమొదటి పాత రోజుల్లో పత్రికలలో పడిన బాపురమణల రచనలు, కార్టూన్లు అన్నీ ఉంటాయి. ఆ ఫోటోలోని అన్ని పుస్తకాల్లో ఉన్న బాపూ బొమ్మలే మూడొంతులు దాకా ఇటీవలి బాపూ బొమ్మల కొలువులో ఉన్నాయి. అయినా వీలయినన్ని ఫోటోలు అపురూపంగా ఫోటోలు తీసుకుని వచ్చాను. ఇంట్లో ఉన్నవే అయినా, నా కెమెరాతో ఆ ఒరిజినల్ బొమ్మల ఫోటోలు తీసుకోవటం ఒక అలౌకిక ఆనందం.


కాసంత కలాపోసన , మూడొచ్చినప్పుడు బొమ్మలేసే చీమంత ఆర్టిస్ట్ పనితనం చిటికెడు ఉండటం వల్ల చిత్రకారుడిగా బాపూ పై అభిమానం పాళ్ళు మరింత ఎక్కువనే ఉండటం వల్ల గేలరీలో తీసిన ఫోటోలను కొన్ని కేటగిరీల్లోకి విభజించాను. ( ఆసక్తి ఉంటే "క్రియేటివ్ వర్క్స్" లేబుల్ లో నా ఫ్యాబ్రిక్ పైంటింగ్ వర్క్స్ , చిన్నప్పుడు వేసిన బొమ్మలు గట్రా చూడచ్చు.) నాలుగైదు కలిపి తీసుకున్నవాటిని కట్ చేసి సింగిల్ ఫోటోలుగా మార్చుకున్నాను. నేను చేసుకున్న విభాగాలేమిటంటే,

* గేట్లోంచి మొదలు లోపలిదాకా ఇరుపక్కలా పెట్టిన చిత్రాలు, లోపల గేలరీలో గుండ్రని స్థంభాలకు కూడా కట్టిన బేనర్ల తాలూకూ ఫోటోలు
* వంశీ కోసం వేసిన చిత్రాలు
* దేవుళ్ళ తాలూకూ చిత్రాలు
* పత్రికలకూ, నవలలకూ, కథలకూ వేసిన బ్లాక్ అండ్ వైట్ చిత్రాలు
* రకరకాల సుందరీమణులు, మిగిలినవి


ఇలా చేసుకున్న విభాగాల్లో ఆయా చిత్రాలను ఎడిట్ చేసుకుంటూ ఉన్నా. ఇంకా అవ్వలేదు..:) ఇలా ఫోటోలు తీసుకోనివ్వటం ఒక వరమైతే, తీసుకునేందుకు మంచి కెమేరా ఉండటం నా అదృష్టం అనుకున్నా. తీసుకుంటున్నంత సేపూ ఓ సందర్భంలో ఆ కెమేరా నాకు బహుకరించిన నాన్నకు బోలెడు థాంక్సులు చెప్పేసుకున్నా. సరే ఇప్పుడు బ్లాగ్ లో ఏవి పెట్టాలి? అన్న ప్రశ్న చాలా కన్ఫ్యూజింగ్ గా ఉంది. ఆ కుంచె నుంచి రూపుదిద్దుకున్న ప్రతీ బొమ్మా ఒక అపురూపమే. అందువల్ల ఏవి పెడితే మిగతా బొమ్మలకి కోపాలొస్తాయో అని భయం.


సరే మరి చూడనివాళ్లకి బొమ్మల కొలువు చూపించెయ్యనా? ముందుగా గేట్లోంచి వేళ్దాం.. క్రిందివన్నీ బేనర్ల తాలూకూ ఫోటోలే.

తదుపరి టపాలో వంశీ కోసం వేసిన చిత్రాలు చూద్దాం. సరేనా?

ఆహా ఏమి నా భాగ్యం..

ఎంత ఆనందం
ఎంత తన్మయత్వం
ఎంత మధురానుభూతి
ఎంత తాదాత్మ్యం
ఆహా ఏమి నా భాగ్యం
ఆన్ని బొమ్మలు చూడగలిగిన నా జన్మ ధన్యం !!
ఈ చివరాఖరు రోజైనా వెళ్ళి బాపు బొమ్మల కొలువు చూడగలిగాను.
మనసరా..
కనులారా..
తృప్తిగా !!

మూడు బస్సులు మారి దాదాపు ముఫ్ఫై కిలోమీటర్లు ప్రయాణం చేసి మండుటెండలో నడిచి నడిచి డస్సిపోయా !

అయినా కలిగిన ఆనందం ముందర ఈ కష్టం ఏపాటి?

"ఎండలో కాకిలా తిరిగి వస్తున్నావా? పిచ్చిదానా" అని అమ్మ మందలిస్తూంటే చెవులకు వినబడతాయా?

తెలుగువాళ్ళు ధన్యులు "బాపూ" మనవాడైనందుకు.

అయినా ఏమిటో అలా ఊరి చివర పెడితే ఎలా వెళ్ళేది? నాలుగు చక్రాలున్నవాళ్ళు తప్ప రెండు కాళ్ళతో నడిచే సామాన్యులు ఎలా వెళ్తారు?
ఏమో ప్రదర్శకుల సాధక బాధకాలు ఎవరికి ఎరుక?
వళ్ళంతా కళ్ళు చేసుకుని ప్రతి బొమ్మా చూశేసి...ప్రతి బొమ్మా ఆబగా ఫోతోలు తీసేసుకున్నాను. ఈ అవకాశం కల్పించిన ప్రదర్శకులకు ధన్యవాదాలు.
ఎంత అలసిపోయినా ఈ నాలుగు వాక్యాలైనా రాసి ఆనందం పంచుకోకపోతే ఇవాళ రాయకపోతే నాకు నిద్ర పట్టదు మరి..:)
ఫోటోలన్నీ ఎడిట్ చేసాకా రేపు వీలైతే మరిన్ని ఫోటోలు పెడతాను..!!

Rock to raagas

"Rock to raagas (Traditional krithis to Western Orchestration)"
అని ఎప్పుడో కొన్న ఒక కేసెట్ కనబడింది వేరే కేసెట్ కోసం వెతుకుతూంటే. రెండ్రోజుల నుంచి అదే వింటున్నా. వినటానికి చాలా బాగుంది. ఫ్యూజన్ మ్యూజిక్ నచ్చేవారికి ఈ కేసెట్ నచ్చుతుంది. రఘువంశ సుధాంబుది, పలుకే బంగార మాయెనా, కిష్ణా నీ బేగనే, మామవ రఘురామ, స్వాగతo కృష్ణా, బ్రోవభారమా, నగుమోము, పిబరే రామరసం..మొత్తం ఎనిమిది కృతులు. వీటికి వెస్ట్రన్ ఇన్స్ట్రుమెంట్స్ జోడించి రాగం పాడవకుండా k.krishna kumar, naveen పాడారు.1997లో వచ్చిన ఆల్బం Magnasound వాళ్లది.
.


కేసెట్ లో అన్ని కృతులు కలిపి ఒక బిట్ తయారు చేసాను. ఆసక్తి ఉన్నవాళ్ళు వినవచ్చు: