మనిషి ఒక్క భోజనం విషయంలోనే 'తృప్తి' పడతాడేమో
ఎందుకంటే,ఆ ఒక్క చోటే 'చాలు' అంటాడు మనిషి.
ఇంక వేరే ఏ విషయంలోనూ 'తృప్తి' పడటం ,'చాలు' అనుకోవటం జరగదేమో .
'నాకింకేం అక్కరలేదు.చాలు' అని ఎవరూ చెప్పరు.
ప్రతి మనిషిలో ఏదో ఒక కోరిక,ఆశ,అసంతృప్తి మిగిలే ఉంటుంది..
ప్రతి కంఠంలోనూ ఏదో ఒక అసహనం ధ్వనిస్తూనే ఉంటుంది..
ఏమీ లేని వాడికి ఏదో ఒకటి కావాలి --
ఏదో కొంత ఉన్నవాడికి ఇంకాస్త కావాలి --
అన్నీ ఉన్నవాడికి ఇంకా ఇంకా కావాలి --
బ్రతికే పద్దతి ఏదైనా ,బ్రతుకు విధానం ఏదైనా 'సంతృప్తి' అనేది మనిషికీ చాలా అవసరం.
అది లేనినాడు జీవితగమనం దుర్భరం అవుతుంది.
కానీ మనిషిలో తృప్తి అనేది పుట్టిన నాడు
'ఆన్వేషణ' 'అభివృద్ది' రెండూ కూడా ఆగిపోయే ప్రమాదం ఉందేమో ?!?
