సత్సంగత్వే నిస్సంగత్వం
నిస్సంగత్వే నిర్మోహత్వమ్ |
నిర్మోహత్వే నిశ్చలతత్త్వం
నిశ్చలతత్వే జీవన్ముక్తిః ||

Tuesday, December 31, 2013

నవలానాయకులు - 1


మరో మెట్టు...
"కౌముది" జనవరి సంచికలో నా కొత్త శీర్షిక "నవలానాయకులు" మొదలైంది..

క్రింద లింక్ లో చదవవచ్చు:
http://www.koumudi.net/Monthly/2014/january/jan_2014_navalaa_nayakulu.pdf

మొదటి వ్యాసం "నారాయణరావు" గురించి రాయడానికి ఒక కారణం ఉంది. మా తాతగారు రాజమండ్రిలో లాయరు చేసారు. ఆయన మద్రాసులో "లా" చదివే రోజుల్లో, హాస్టల్లో ఆయన రూమ్మేట్స్ లో అడివిబాపిరాజు గారు ఒకరుట. అందువల్ల తాతయ్యగారి ద్వారా మా ఇంట్లో అందరికీ బాపిరాజు గారు ఇష్టులు. ఆ ఇష్టం కొద్దీ మొదటి వ్యాసం బాపిరాజుగారి నాయకుడితో మొదలు పెట్టానన్నమాట...!
బ్లాగ్మిత్రులదరికీ నూతన సంవత్సర శుభాకాంక్షలు...

అపురూపమైన బహుమతి..






ఇవాళ ఒక నేస్తం నుండి కొరియర్ లో న్యూ ఇయర్ గ్రీటింగ్స్ తో పాటూ నాకీ పుస్తకం సర్ప్రైజ్ గిఫ్ట్ గా వచ్చింది..!  ప్రసిధ్ధ కవి, రచయిత, దర్శకుడు గుల్జార్ రచించిన ఒక అరవై హిందీ కవితలు, పక్క పేజిలోనే వాటి అంగ్ల అనువాదాలు ఇందులో ఉన్నాయి. ఆంగ్ల అనువాదకర్త పవన్ కె.వర్మ గారు. ఆయన ఇదివరలో వాజ్పాయ్ కవితలకూ, కైఫీ ఆజ్మీ కవితలకూ ఆంగ్లానువాదం చేసారు.


పుస్తకం నుండి రెండు కవితలు:

अच्छे लगते हैं ये पहाड़ मुझे 
चोटियां बादलों में उड़ती हैं 
पांव बर्फ़ाब बहते पानी में 
कूटते रहते हैं नदियां 
कितनी संजीदगी से जाती हैं 
किस कदर मुसतक़िल-मिज़ाज हैं ये 
अच्छे लगते हैं ये पहाड़ मुझे!!

i like these mountains...
Peaks flying in the clouds
Feet pounding away at the
ice-cold waters of rivers flowing below
How wisely they live
With such stable, unchanging temperaments.
i like these mountains!


***      ***      ***

इक नक़ल तुझे भी भेजूंगा 
ये सोच के ही... 
तन्हाई के नीचे कार्बन पेपर रखके मैं 
ऊंची-ऊंची आवाज़  में बातें करता हूं 

अल्फ़ाज़ उतर आते हैं कागज़  पर लेकिन... 

आवाज़ की शक्ल उतरती नहीं 
रातों  की सियाही दिखती है !!

only because i think
that i will send you a copy too
i keep a carbon paper below my loneliness
and talk loudly all the while.

My words are reproduced on the paper
but not the feel of my voice
At night i only see the ink-like darkness.

***   ***

Thank you friend!

Sunday, December 29, 2013

"ఉయ్యాల జంపాల" - ఓసారి ఊగచ్చు..


'అత్తారింటికి దారేది' తర్వాత మళ్ళీ నిన్న "ఉయ్యాల జంపాల" ఊగడాకిని వెళ్లాం. హాల్లొంచి బయటకొస్తుంటే 'పర్లేదు.. ఓసారి ఊగచ్చు' అనుకున్నాం! ఏ ఎక్స్పెక్టేషన్స్ లేకుండా వెళ్లడం వల్ల నేను నిరుత్సాహపడలేదు. బావా మరదళ్ల కాన్సెప్ట్ పాతదే అయినా కథని నడిపించిన తీరు ఆకట్టుకుంటుంది. ముఖ్యంగా సినిమాకి ప్రాణం, గాలి, నీరు, ఆక్సిజన్ అన్నీ హీరోనే! ఆ కుర్రాడు బాగా చేసాడు. తంతే లారీలూ,జీపులు ఎగురిపోయేంతలా ఎలివేట్ చెయ్యకుండా కేరెక్టర్ ని ఎంతవరకూ చూపెట్టాలో అంతవరకే చూపెట్టాడు. కానీ హీరోని ఉన్నతంగా నిలబెట్టే ప్రయత్నంలో వీరోవిన్ క్యారెక్టర్ పై దృష్టి కాస్త తగ్గిందేమో అనిపించింది. అల్లరిగా చెలాకీగా కనబడ్డా, కాస్త బుర్ర తక్కువ అమ్మాయిగా, తిండిపోతులా చూపించడం వల్ల ఆ పాత్రకు మార్కులు తగ్గిపోయాయి. కొన్ని సీన్స్ లో ఆ అమ్మాయికి మేకప్ కూడా సరిగ్గా వెయ్యలేదు పాపం.


గోదావరి జిల్లాల అందాలను కెమేరాలో అందంగా బంధించారు. గోదారి యాసని చక్కగా వాడుకున్నారు. అందువల్ల ఆ ప్రాంతాలవాళ్ళు బాగా కనక్ట్ అయ్యి ఇది మన కథే అనుకునేలా ఉంది. నాకైతే ఆ హీరో మానరిజంస్ చూస్తున్నా, అతని మాటలు వింటున్నా అచ్చం నర్సాపురవాసి అయిన మా మావయ్యగారి మనవడిని చూస్తున్నట్లు, అతనితో మాట్లాడుతున్నట్లే అనిపించింది. 


వెకిలి హాస్యం లేకపోవడం హాయినిచ్చింది. హీరో,హీరోయిన్ ఇద్దరి స్నేహితులూ కొత్తవారే అయినా ఆ ప్రాంతాలతాలూకూ నేటివిటితో విసుకుతెప్పించలేదు. ఏ ఘట్టాన్ని ఎంతవరకు లాగాలో అంతవరకూ మాత్రమే సాగదీయడంలో దర్శకుడి ప్రతిభ కనబడుతుంది. అయితే కొన్ని సన్నివేశాలు స్టేజి మీద నాటకం చూస్తున్న ఫీలింగ్ ని కలగజేసాయి. "లపక్ లపక్" అనే పాట కాస్త బోర్ అనిపించింది. దర్శకుడు ఇంకొన్ని జాగ్రత్తలు పాటించి ఉంటే ఒక మంచి చిత్రంగా మిగిలి ఉండేదేమో అనిపించింది. తప్పక చూసితీరాల్సిన చిత్రం కాదు గానీ కుటుంబసమేతంగా వెళ్ళి ఓసారి చూసి రావచ్చు అనదగ్గ చిత్రం.


 బ్యాక్ గ్రౌండ్ మ్యూజిక్ సన్నివేశాలకు తగ్గట్టుగా బాగుంది. పాటల్లో ఈ టైటిల్ సాంగ్ ఒక్కటీ నాకు చాలా బాగా నచ్చింది:

Tuesday, December 24, 2013

'రహస్యభారతంలో నా ఆధ్యాత్మిక అన్వేషణ'





1934లో "ఎ సెర్చ్ ఇన్ సిక్రెట్ ఇండియా" పేరుతో ఆంగ్లంలో మొదటి ప్రచురణ జరిగిన ఈ పుస్తకం ప్రతులన్నీ రెండు రోజులకే అయిపోయి మూడో రోజే రెండో ముద్రణ చేసారుట. మరో ఇరవై ఏళ్ళలో 18ముద్రణలు జరిగాయిట. అయితే తెలుగులో రమణ మహర్షి తాలూకూ కొన్ని అధ్యాయాల అనువాదం జరిగిందట కానీ మొత్తం పుస్తకం తెలుగులో రాలేదని.., ఈ పుస్తకం పట్ల ఎంతో ఆకర్షితులైన జొన్నలగడ్డ పతంజలి గారు తానే తెలుగులోకి అనువదించారుట.  2013,మార్చిలో ఈ పుస్తకం మార్కెట్లోకి వచ్చింది. ఒరిజినల్ చదివితే ఇంపాక్ట్ ఇంకా ఎక్కువ ఉండేదేమో తెలీదు కానీ తెలుగు అనువాదం మాత్రం నాకు చాలా నచ్చింది. ఇంత మంచి పుస్తకాన్ని తెలుగు పాఠకులకు అందించినందుకు అనువాదకులకు కృతజ్ఞతలు.




అసలు ముందుగా పాల్ బ్రంటన్ కి వేలవేల కృతజ్ఞతలు తెలపాలి. ఎంతో శ్రమ కూర్చి మనమే మర్చిపోతున్న భారతీయ ప్రాచీన సంస్కృతినీ, మనకి తెలియని భారతీయ ఆధ్యాత్మిక ఔన్నత్యాన్ని వెలికి తీసే ప్రయత్నం చేసి, వాటినన్నింటినీ గ్రంధస్థం చేసినందుకు! భారతీయయువత ఆయనకు ఒకవిధంగా ఋణపడి ఉండాలి. అసలు పాశ్చాత్యులకు కాదు; ఇటువంటి ఒక మనిషి ఉన్నాడనీ, సత్యాన్వేషణ చేస్తూ, ఆత్మ సాక్షాత్కారం దిశగా పయనిస్తూ మన దేశంలో ఇటువంటి పరిశోధన చేసాడని, ఇన్ని విషయాలు తెలుసుకున్నాడనీ, పాశ్చాత్య నాగరికత మోజులో కొట్టుకుపోతూ, ఆ జీవనవిధానమే గొప్పదనుకునే నేటితరాలకు ఇటువంటి సంగతులు తెలియాల్సిన అవసరం ఎంతైనా ఉంది. ఒక నెల క్రితం దాకా నాకూ "పాల్ బ్రంటన్" పేరు తెలీదు. పుస్తకప్రదర్శనలో టైటిల్ చూడగానే ఎందుకో కొనాలని అనిపించింది.  పుస్తకానికా పేరు పెట్టడం వెనక ఉన్న ఉద్దేశం కూడా రచయిత వివరిస్తారొకచోట. కొన్న పదిహేనురోజులకి మొన్న ఇరవైయ్యో తారుఖున పుస్తకం చదివాను. ఇటువంటి ఒక పరిశోధకుడి గురించి తెలుసుకోవడమే ఒక అద్భుతం. రచయిత గురించిన వివరాలు వెతికితే, అతని పరిశోధనల వివరాలు, జీవిత విశేషాలు, అతను రాసుకున్న నోట్స్ మొదలైన వివరాలన్నీ ఉన్న వెబ్సైట్ దొరికింది..
http://www.paulbrunton.org/



ఇదివరలో "ఒక యోగి ఆత్మకథ", స్వామి పుస్తకాలు, యోగాభ్యాసాల పుస్తకాలు, ఇతర ఆధ్యాత్మిక, తాత్వకపరమైన పుస్తకాలు చదివిఉండటం వల్ల కొన్ని సంగతులు నాకు పరిచితాలు అనిపించి, నేనీ పుస్తకపఠనాన్ని మరింతగా ఆనందించగలిగాను. "అడయారు యోగి బ్రమ" తెలిపిన యోగ సాధన సంబంధిత విషయాలలో కొన్ని నేను 'బీహార్ స్కూల్ ఆఫ్ యోగా'లో యోగా క్లాసులకి వెళ్ళినప్పుడు మా మేడమ్ చెప్పేవారు. వారి వద్ద కొన్ని పుస్తకాలు కూడా కొన్నాను. 'బ్రమ' పాల్ బ్రంటన్ కి చెప్పిన కొన్ని ఆసనాలు, వాటి వివరాలు, వాటివల్ల కలిగే ప్రయోజనాలు అన్నీ తెలిసినవే! దురదృష్టవశాత్తూ ఆరోగ్యం సహకరించక కారణంగా కొన్ని ఆసనాలు వెయ్యలేని స్థితి నాది :(  


శ్వాస నియంత్రణ వల్ల ఆయుష్షును పెంచుకోవచ్చనీ, వృధ్ధాప్యాన్ని దూరం పెట్టచ్చనే సంగతులు కూడా మా యోగా మేడమ్ చెప్పేవారు. ఇంకా పుస్తకంలో బ్రమ ఏం చెప్తాడంటే కొన్ని యోగాసనాలు అరోగ్య సంరక్షణకే కాక వాటిపై ఏకాగ్రత, శ్రధ్ధ, మనోబలం తీవ్రంగా పనిచేసి సాధకుడిలోని నిద్రాణమైన శక్తులని మేల్కొలుపుతాయట. శ్వాసని నియంత్రించడం ద్వారా ప్రాణాలు నిపి ఉంచే ఆంతరంగిక శక్తిని నియమ్రించవచ్చునని చెప్తాడతను. కొద్దిసేపు తన హృదయస్పందనని ఆపివేయడం, శ్వాసించడం అపివేసి చూపడం వంటి అద్భుతాలు కూడా రచయితకు చూపిస్తాడతను. యోగశాస్త్ర ప్రావీణ్యం ఉన్న యోగి తన శ్వాసను కొన్ని సంవత్సరాలు బంధించి తద్వారా జీవితకాలాన్ని సుదీర్ఘంగా కొన్ని వందల ఏళ్లవరకూ పొడిగించగలడని బ్రమ చెప్తాడు.


దీర్ఘకాల జీవనానికి ఉన్న మూడో మార్గాన్ని చెప్తూ బ్రమ ఏమంటాడంటే "మనిషి మెదడులో అతిసూక్ష్మరంధ్రం ఉంటుంది. ఈ సూక్ష్మరంధ్రం లోనే అత్మ స్థానం ఏర్పరుచుకుంటుంది. వెన్నుముక చివర కంటికి కనిపించని ఒక అదృశ్య ప్రాణశక్తి ఉంటుంది. ఈ ప్రాణశక్తి క్షీణించటమే వృధ్ధాప్యానికి కారణం. ఈ ప్రాణశక్తి క్షీణతని ఆపగలిగితే శరీరానికి నూతన జవసత్వాలు నిరంతరాయంగా సమకూరుతూఉంటాయి. కొందరు పరిపూర్ణ యోగులు నిరంతర సాధనతో ఈ ప్రాణశక్తిని వెన్నుముక ద్వారా పైకి తీసుకువచ్చి, మెదడులోని సూక్ష్మరంధ్రంలో నిక్షిప్తం చెయగలిగే శక్తి సాధిస్తారు. ఇటువంటి యోగులు తమ మరణాన్ని తామే నిర్ణయించుకోగలరు.."
దీర్ఘాయువుని పొందే ఈ ప్రక్రియ గురుసహాయం లేకుండా చేస్తే మృత్యువుని ఆహ్వానించినట్లేనని అతడు చెప్తాడు. ఈ శారీరక యోగసాధనతో పాటూ మానసిక యోగసాధన కూడా చేయాలని,అదే ఆధ్యాత్మికౌన్నత్యాన్ని ఇస్తుందనీ కూడా చెప్తాడు. ఇంకా.. వేలమైళ్ల దూరంలో ఉన్న గురువుతో మాట్లాడగలనంటూ బ్రమ చెప్పే మిగిలిన విషయాలు కూడా చాలా ఆసక్తికరంగా ఉన్నాయి.


దయాల్బాగ్ సత్సంగుల గురించీ, వారి జీవనవిధానాల గురించి చెప్పిన ఆధ్యాయం బాగుంది. ఆప్పట్లో రాధాస్వామి అశ్రమానికి అధిపతిగా ఉన్న శ్రీ స్వరూపానంద్ గారు తెలిపిన విషయాలు ఎంతో ఆసక్తికరంగా ఉన్నాయి. (మా ఇంటికి దగ్గరలో ఈ రాధాసామి సత్సంగ్ కాలనీ ఉండటం వల్ల, మా అపార్ట్మెంట్స్ లో చాలా మంది సంత్సంగీస్ ఉండటం వల్ల వీరిని గురించి తెలిపిన విషయాలు పరిచితమనిపించాయి.) ఇంకా కలకత్తాలో శ్రీ రామకృష్ణపరమహంస శిష్యులలో ముఖ్యులైన మాష్టర్ మహాశయులనే వారిని కలవడం, ఆయన తెలిపిన విశేషాలు చదవడం ఒక చక్కని అనుభూతి. మద్రాస్ లో మౌనయోగి ద్వారా పాల్ బ్రంటన్ పొందిన ప్రశాంతత, కాశీ నగరంలో శ్రీ విశుధ్దానంద చూపే సౌరశాస్త్ర ప్రయోగాలు అద్భుతాలే. ప్రాచీన ఋషులకు తప్ప ఎక్కువమందికి తెలియని ఈ సౌరశాస్త్రం ప్రకారం సూర్యకిరణాలలో ప్రాణశక్తి ఉంటుందిట. ఆ సూక్ష్మశక్తిని లోబరుచుకుని, కిరనాల నుండి ఆ ప్రాణశక్తిని వేరు చేస్తే ఎన్నో అద్భుతాలను చేయవచ్చని ఆయన చెప్తారు.  కాశీ నగరంలోనే కలిసిన జ్యోతిష్కుడు సుధీబాబు చెప్పిన విషయాలు విన్న తరువాత హిందూ జ్యోతిష్యశాస్త్రాన్ని కూడా మూఢనమ్మకంగా కొట్టివేయలేమనీ అభిప్రాయపడతాడు రచయిత. వంట చేసే మనిషిలోని అయస్కాంత శక్తి అతను వండేవంటలోకీ తద్వారా అది తినే మనిషిలోకీ ప్రవేశిస్తుందనీ ,అందువల్ల వంట చేసే మనిషి ఆలోచనలు కూడా మంచిగా,సక్రమంగా ఉండాలని కూడా ఓ సందర్భంలో సుధీబాబు చెప్తాడు. (ఈ పాయింట్ నాదగ్గర 'ఆయుర్వేదిక్ కుకింగ్' అనే పుస్తకంలో గతంలో చదివాను నేను.) వేల సంవత్సరాల క్రితం భృగు మహర్షి రాసిన "బ్రహ్మచింత" అనే గ్రంధబోధ కూడా రచయితకు సుధీబాబు అందిస్తాడు. ఇలాంటి ఎందరో యోగులు, జ్ఞానులు మొదలైనవారు తమ విజ్ఞానాన్ని ప్రపంచానికి తెలియకుండా గోప్యంగా ఉంచడం వల్ల ఆ జ్ఞానసంపదంతా ఎవరికి తెలియకుండానే చరిత్రలో కలిసిపోతోందని, భారత దేశ రహస్యాలెన్నో ఎవరికీ తెలియకుండానే శశ్వతంగా సమాధి అవుతున్నాయేమోనని రచయిత విచరపడతారొకచోట. నాకు అది నిజమేననిపించింది.


 అప్పటి కంచి కామకోటి పీఠాధిపతి శ్రీ చంద్రశేఖరేంద్రసరస్వతి స్వామివారితోనూ, అరుణాచలయోగి శ్రీ రమణ మహర్షి తోనూ పాల్ బ్రంటన్ సంభాషణలు మనలోని ఎన్నో ప్రశ్నలకి సైతం సమాధానాలనిస్తాయి. ఒకచోట రచయిత ప్రశ్నలకు 'చంద్రశేఖరస్వామి'వారి సమాధానాలు...

* "...తగిన సమయం వచ్చినప్పుడే భగవంతుడు మానవులకి సద్భుధ్ధిని కలిగిస్తాడు. దేశాల మధ్యన విద్వేషాలు, మనుష్యులలో దుర్భుద్ధీ, లక్షలాది ప్రజల దారిద్ర్యమూ ఉధృతమైనప్పుడు వీటికి విరుగుడుగా భగవత్ప్రేరణా, భగవదాదేశము పొందిన వ్యక్తి తప్పకుండా ఉద్భవిస్తాడు. ప్రతి శతాబ్దంలోనూ ఇది జరుగుతూనే ఉంటుంది. అధ్యాత్మిక అజ్ఞానం వల్ల కలిగే అనర్థం ఎంత తీవ్రమైతే ప్రపంచాన్ని ఉద్ధరించడానికి ఉద్భవించే మహనీయుడంత ఎక్కువ శక్తిమంతుడవుతాడు."

** " క్రమం తప్పకుండా ధ్యాన సాధన చెయ్యాలి. ప్రేమ నిండిన హృదయంతో శాశ్వతానందాన్ని గూర్చి విచారణ చెయ్యాలి. ఆత్మ గురించి నిరంతరంగా ఆలోచిస్తూ ఉంటే తప్పకుండా దానిని చేరతావు. ధ్యానానికి ఉష:కాలం ఉత్తమమైనది. సంధ్యాకాలం కూడా అనుకూలమైనదే. ఆ సమయంలో ప్రపంచమంతా ప్రశాంతంగా ఉంటుంది. మనస్సుని నిశ్చలంగా ఉంచటం తేలికౌతుంది."


వివిధ సంభాషణలో రమణ మహర్షి పాల్ బ్రంటన్ కు చెప్పిన కొన్ని సంగతులు...

* "ఆనందమే మనిషి సహజస్థితి. ఈ ఆనందం నిజమైన నేను లో సహజంగానే ఉంటుంది. ఆనందం కోసం మానవుడు చేసే ప్రయత్నమంతా తన సహజస్థితిని కనుక్కోవటానికి చేసే అసంకల్పిత ప్రయత్నమే! ఈ సహజస్థితికి నాశనం లేదు. అందుకని మనిషి ఈ సహజస్థితిని కనుక్కోగలిగినప్పుడు నిరంతరమైన ఆనందాన్ని అనుభవిస్తాడు." 


** "నేను ఎవరు?" అనే అన్వేషణ ప్రారంభించి ఈ శరీరమూ, ఈ కోరికలూ, ఈ భావాలూ, ఇవన్నీ నేను కాదనీ అర్థం చేసుకోగలిగితే, నీ అన్వేషణకి సమాధానం నీ హృదయపు లోతుల్లోనే నీకు అవగతమౌతుంది. అసంకల్పితంగానే ఒక గొప్ప అనుభవమ్గా అది నీకు దక్కుతుంది. "నేను" గురించి తెలుసుకో. అప్పుడడు సూర్యకాంతి లాగ సత్యం నీకు గోచరిస్తుంది. నీ మనస్సు ఎదుర్కుంటున్న ఇబ్బందులన్నీ తొలగిపోతాయి. ఈ ఆత్మజ్ఞానం కలిగితే ఇంక నీకు సందేహాలంటూ ఏమీ మిగలవు."

*** "తాను స్వాభావికంగా బలహీనుడిననీ, పాపాత్ముడిననీ ఆలోచించడమే మనిషి చేసే పెద్ద తప్పు. స్వాభావికంగా ప్రతిమనిషి మనసులోనూ బలమూ,దైవత్వము నిండి ఉంటాయి. బలహీనంగానూ, పాపమయంగానూ ఉండేవి అత్డి ఆలోచనలూ ,అలవాట్లూ,కోరికలూ మాత్రమే కానీ, మనీషి కాదు."


రమణమహర్షి ముఖ్య శిష్యులలో ఒకరైన యోగి రామయ్య గురించిన కబుర్లు కూడా బాగున్నాయి. ఒక సందర్భంలో రచయిత విచారగ్రస్తుడై ఉన్నప్పుడు రామయ్య యోగి ఆయనని తనతో అరణ్యం మధ్యలో ఒక సరస్సు ప్రాంతానికి తీసుకువెళ్ళి ధ్యానంలో మునిగిపోవడం...క్రమక్రమంగా రామయ్య యోగి తాలూకూ ప్రశాంత తరంగాలు రచయితకు చేరి అతని మనస్సు కల్లోలరహితంగా మారే సన్నివేశం రమణీయం! 'రమణాశ్రమం'లో రచయిత పొందిన అనుభూతులూ, ధ్యానంలో అందుకున్న స్వప్నసాక్షాత్కారాలు మొదలయినవి చదివాకా 'అరుణాచలం' వెళ్లాలనే నా చిరకాల కోరిక మరోసారి గాఢంగా మొదలైంది. 


నేనీ పుస్తకాన్ని మాత్రం పాల్ బ్రంటన్ కళ్లతోనే చదివాను. ప్రతి సంఘటననూ, అనుభూతినీ తార్కికంగా, హేతువాద దృక్పధంతో అర్థం చేసుకునేందుకు ఆయన చేసిన ప్రయత్నం నన్ను ఆకట్టుకుంది. ఒక పాశ్చాత్యుడు చేసిన పరిశోధనల వల్ల మన ప్రాచీన జ్ఞానసంపద గురించి మనకి తెలియడం కాస్తంత విచారకరమైనా, ఎలాగోలా ఇటువంటి నిగూఢ రహస్యాలు, యోగవిజ్ఞానవిషయాలు వెలుగులోకి వచ్చినందువల్ల యువతను సన్మార్గంలోకి మళ్ళించగలిగే సదవకాశం కలిగింది కదా అని ఆనందపడ్డాను. పాల్ బ్రంటన్ కు ఎదురైన సంఘటనలు, దివ్యానుభూతులూ, కలిసిన విశిష్ఠవ్యక్తులూ, చివరికి రమణ మహర్షి దగ్గరకు అతడు చేరే విధానం.. అన్నీ అతడిలో సత్యాన్వేషణ పట్ల ఉన్న ధృఢనిశ్చయానికీ, పూర్వజన్మ సుకృతానికీ ఫలితాలనిపిస్తాయి. మనిషి తీవ్రంగా దేనికొరకైతే అన్వేషిస్తాడో దానిని సాధించడానికి ప్రకృతి కూడా తన వంతు సహకారాన్ని అందిస్తుందన్న సూత్రంలో నిజం లేకపోలేదు! నాకీ పుస్తకం చదివే అవకాశం కలగడం నా అదృష్టమనే భావిస్తున్నాను.
 


తత్వపరమైన విషయాల పట్ల, ఆధ్యాత్మిక ఆసక్తి ఉన్నవారికి ఈ పుస్తకం పూర్తిస్థాయి ఆనందాన్నివ్వగలదు. అలా లేని పక్షంలో పుస్తకప్రియులైనా కూడా ఈ పుస్తకం జోలికి వెళ్లకుండా ఉండటమే మంచిది.



Friday, December 20, 2013

ఒకానొక బధ్ధకపు శీతాకాలపు మధ్యాహ్నం...




పనులేమీ చెయ్యకుండా బధ్ధకంగా గడపాలనిపించే ఓ శీతాకాలపు మధ్యాహ్నం..
చలికి తట్టుకోలేక తలుపులూ, కిటికిలన్నీ మూసేసి..
స్వెట్టరు, సాక్స్ వేసేస్కుని, స్కార్ఫ్ కట్టేసుకుని..
మంచంపై మందపాటి రగ్గు కప్పేసుకుని,
తలకు, భుజాలకు ఆసరాగా రెండు దిళ్ళు వెనుక పెట్టుకుని..
చేతిలో ఎంతో ఆసక్తికరంగా ఉన్న పుస్తకం పొద్దుట్నుండీ చదువుతూ...
గతంలో నే చదివిన ఆథ్యాత్మిక పుస్తకాలూ, ముఖ్యంగా "ఒక యోగి ఆత్మకథ" గుర్తుచేసుకుంటూ..
పాల్ బ్రంటన్ తో పాటూ అతని ఆలోచనలను నావి చేసుకుంటూ..
రహస్య భారతంలోకి అతనితో పాటే అన్వేషణ సాగిస్తూంటే...
కలుగుతున్న అలౌకిక ఆనందపు అనుభూతిని...
ఇలా మాటల్లో చెప్పడం కష్టం...!

ఇప్పటివరకు నే చదివిన అతి తక్కువ పుస్తకాలన్నింటిలో భారతదేశ సంస్కృతినీ, అందులోని ఆధ్యాత్మికతనూ, గొప్పతనాన్నీ తెలియచెప్పే గొప్ప పుస్తకం ఇదని మాత్రం చెప్పగలను.
బహుశా పుస్తకంలో చెప్పినట్లు మనిషి తీవ్రంగా దేని గురించి తపన పడతాడో.. దానికి సంబంధించిన దారి ఏదో విధంగా అతనికి ఎదురౌతుందన్న మాట నిజమనిపించింది!!
పుస్తకప్రదర్శనలో మొదటిరోజు కొన్న నాలుగైదు పుస్తకాల్లో ఇదీ ఒకటి. ఆ రోజు ఒక స్టాల్లో ఒకావిడ నా చేతిలో ఈ పుస్తకం చూసి.. 'చాలా మంచి పుస్తకం..చదవండి' అన్నారు.
చదువుతుంటే ప్రపంచం నుండి విడివడిపోయి పైన ఫోటోలో లాగ దట్టమైన అడివిలో, ఆ చిన్న కుటీరంలో ఉన్న అనుభూతి!! ఎంత గొప్ప ఆనందమో.. ఎంత సంతృప్తో...!!
ఈ బధ్ధకపు శీతాకాలపు మధ్యాహ్నం ఇంతటి అలౌకికానందాన్ని కలిగించగలదని కల్లోనైనా ఏనాడూ అనుకోలేదు...
Thank you God!

Tuesday, December 17, 2013

"आदमी आदमी को क्या देगा .."




 కాలేజీ రోజుల్లో తెగ విన్న గజల్ ఆల్బంస్ లో ఇదీ ఒకటి. "Someone-Somewhere" అని జగ్జీత్ సింగ్, చిత్రా సింగ్ ఇద్దరు పాడిన ఆల్బమ్. సంగీతం జగ్జీత్ చేసారు. సాహిత్యం: సుదర్షన్ ఫకీర్. ఇందులో నాకు బాగా నచ్చే కొన్ని గజల్స్ లింక్స్ ఇస్తున్నా.. 

 మొదట ఈ ఆల్బమ్ లో చాలా నచ్చే గజల్... "आदमी आदमी को क्या देगा .."


Lyrics:
1) आदमी आदमी को क्या देगा 
जो भी देगा वहीं खुदा देगा 

मेरा कातिल ही मेरा मुन्सिफ हैं 
क्या मेरे हक़ में फैसला देगा 

जिन्दगी को करीब से देखो 
इसका चेहरा तुम्हें रुला देगा 

हमसे पूछो दोस्ती का सिला 
दुश्मनों का दिल हिला देगा 

इश्क का जहर पी लिया फ़ाकिर
अपने मसीहा भी क्या दवां देगा 

http://www.sangeethouse.com/jukebox.php?songid=42097


2) मॆरॆ दुख की कोई दवां न करॊ
मुझ कॊ मुझ सॆ अभी जुदा न करॊ...

http://www.sangeethouse.com/jukebox.php?songid=42104



3) फ़ासिला तो है मगर कॊई फ़ासिला नहीं
मुझ सॆ तुम जुदा सही..दिल सॆ तॊ जुदा नहीं..

http://www.sangeethouse.com/jukebox.php?songid=42102



4) दिन गुजर गया इंत्ज़ार में
रात कट गई इंत्जार में..

http://www.sangeethouse.com/jukebox.php?songid=42101



5) दॆखा तॊ मॆरा साया मुझ सॆ जुदा मिला
सॊचा तॊ हरकिसी सॆ मॆरा सिलसिला मिला

http://www.sangeethouse.com/jukebox.php?songid=42099



6) मॆरी ज़िंदगी किसी और की 
मॆरॆ नाम का कॊई और हैं..
मॆरा अक्स है सर-ए-आईना
पसॆ आईना कॊई और है.. 
बस आईना कोई और है..

http://www.sangeethouse.com/jukebox.php?songid=42105


***   ***

ఈ ఆల్బమ్ లోని అన్ని గజల్స్ క్రింద లింక్ లో వినచ్చు:
http://www.dhingana.com/hindi/someone-somewhere-songs-ghazals-2a753d1


Saturday, December 14, 2013

పుస్తకాల తీర్థం



ఈ మధ్యన ఇల్లు మారినప్పుడు పుస్తకాలు సర్ది సర్ది... 'ఇంక ఉన్నవి చాలు కొనకూడదు బాబూ..!' అనుకున్నా. పుస్తక ప్రదర్శన మొదలయ్యే ముందు రోజు కూడా అదే స్థిరంగా అనుకున్నా..'వెళ్ళకూడదూ వెళ్లకూడదూ...' అని!


ఏడో తారీఖు సాయంత్రం అయ్యేసరికీ మనసు కొట్టుకుంది... మానెయ్యడమా.. అందులోనూ మొదటిరోజు..! 'ఏమండీ...' అన్నా...! 'సరే పదమన్నారు' శ్రీవారు. అప్పటికప్పుడు అనుకున్నందువల్ల ట్రాఫిక్ జామ్ లో చిక్కుకుపోయాం. పదిహేనొ ఇరవయ్యొ కిలోమీటర్ల దూరం మరి! బుక్ ఫెయిర్ దగ్గరకి చేరేసరికీ ఏడుంపావు!! ఎనిమిదింటికి మూసేస్తారు కదా లోపలికి వెళ్దామా వద్దా అనుకుని.. సర్లే ఇంత దూరం వచ్చాం కదా అని లోపలికి దూరిపోయాం..


విజయవాడలో మా క్వార్టర్స్ పక్కనే ఎగ్జిబిషన్ గ్రౌండ్ ఉండేది. పుస్తక ప్రదర్శన మొదలెట్టిన ఏడాది నుండీ అక్కడ ఉన్నన్నాళ్ళూ ప్రతి ఏడూ సాయంత్రమయ్యేసరికీ చటుక్కున వెళ్పోయి ఓ రౌండ్ వేసి వచ్చేదాన్ని.  ప్రదర్శన ఉన్న పదిరోజుల్లో  వీలయినన్ని విజిట్స్ తప్పక వేసేదాన్ని. కొత్త పుస్తకాల దొంతరలు.. ప్రింట్ వాసన.. తెల్లని పేజీలపై నల్లని ఆక్షరాలు.. ఏదో ఉత్తేజాన్ని పెంచుతూ, ఉత్సాహాన్ని రేకెత్తిస్తూ.. మహదానందంగా ఉండేదసలు. ఎన్నేళ్ళైనా అదే ఉత్సాహం ఇప్పటికీ. పుస్తకాలను చూస్తే మనసు చిన్నపిల్లై వాటివెంట పరిగెత్తుకుపోతుంది. 


సరే ఇప్పుడు ఈ యేటి బుక్ ఫెయిర్ కబుర్లలోకి వచ్చేస్తే.. లోపలికి అడుగుపెట్టగానే ప్రధాన ఆకర్షణ గ్రౌండ్ మధ్యలో కట్టిన ఎమెస్కో వాళ్ల స్టాల్. మొదటి రోజు కదా ఇంకా కడుతున్నారు. లోపల ఇంకా చిత్రాలను పేర్చుతున్నారు. క్రింద ఫోటోలో ఉన్న పుస్తకం లోని బొమ్మలే లోపల నలువైపులా గోడలకు అమర్చారు.










 స్టాల్స్ కి ఇంకా నంబర్లు మాత్రమే ఉన్నాయి. పేర్లు రాయలేదు. కొన్ని చోట్ల అట్టపెట్టేలు తెరవలేదు. ఇంకా సర్దుకుంటున్నారు. ఈ చిత్రం కూడా అందంగానే ఉంది. ఎంత కష్టపడతారో ఇక్కడకి ఈ బుక్సన్నీ చేర్చడానికీ అనిపించింది. ఇల్లు మారేప్పుడు నాలుగైదు అట్టపెట్టెల పుస్తకాలు సేఫ్ గా చేరేసేసరికే ఆపసోపాలు పడిపోయాం. మరి ఇన్ని వందల, వేల, లక్షల పుస్తకాలు ఒకచోట చేర్చడం..మళ్ళీ అయిపోయాకా అవన్నీ వెనక్కు తీసుకువెళ్లడం... నిజంగా ఎంత శ్రమతో కూడుకున్న పనో! 




ఈసారి స్టాల్స్ ఏ,బి,సి అని బ్లాక్స్ గా డివైడ్ చేసారు. ఒక బ్లాక్ లో ఒక సైడ్ తిరిగామంతే.. విజిల్ వేసుకుంటూ అబ్బాయి వచ్చేసాడు. మొదటిరోజు ప్రదర్శన అయిపోయింది....అయ్యో.. అని నాకు ఏడుపువచ్చినంత పనైంది. నే రాసుకున్న లిస్ట్ లోవి నాలుగంటే నాలుగు పుస్తకాలు కొన్నా అప్పటికి. 'పోన్లే మళ్ళీ వద్దాం.. నెక్స్ట్ వీకెండ్' అన్నారు మావారు. మళ్ళీ ఇంటికి రావడానికి రెండు గంటలు పట్టింది. ఎలాగైనా వెళ్లాలి అని నాలుగు గంటలు కష్టపడితే ముప్పావుగంట ఉండగలిగానా...:( అని ఆ పూటంతా మూడ్ ఆఫ్ అయిపోయింది. 


'మళ్ళీ వీకెండ్ కి ఏ అవాంతరమో వస్తే..వెళ్లడం కుదరకపోతే..' అని భయమేసి మొన్నగురువారం పొద్దున్నే బయల్దేరా ఒక్కదాన్నే. మా ఇంటి నుండి ఇరవై నిమిషాలు బస్టాప్ కి నడక, గంట బస్సు, మళ్ళీ ఓ ఐదారు కిలోమీటర్లు ఆటో.. అప్పుడు బుక్ ఫెయిర్ వస్తుంది. దారిలో ఉండగా నాన్న ఫోన్ చేసి ఎమెస్కొలో "తిలక్"గారి కలక్షన్ వచ్చేసిందిట  తీసుకోమని చెప్పారు. సరే, ఇంక మొదట ఎమెస్కో లోకి దూరాను.  ఆ తర్వాత మొదటిరోజు ఎక్కడ ఆపానో అక్కడి నుండీ మళ్ళీ చూడడం మొదలుపెట్టాను. నేషనల్ బుక్ ట్రస్ట్, I&B వాళ్ల పబ్లికేషన్స్ డివిజన్ స్టాల్, సాహిత్య అకాడమీ, తెలుగు బుక్ హౌస్, నవోదయా, విశాలాంధ్ర...ఆక్స్ఫార్డ్, బెంగుళూరు, ఢిల్లీ, చెన్నై నుండి వచ్చిన ఇంగ్లీష్ బుక్స్టాల్స్... ఈసారి క్రిందటేడు కనబడ్డ కొన్ని స్టాల్స్ కనపడ్లేదు. ఈలోపూ వెళ్పోవాల్సిన టైమ్ అయ్యింది. మళ్ళీ మా పాప స్కూల్ నుండి వచ్చేలోగా ఇల్లు చేరాలి.. అప్పటికి టాగూర్ పబ్లిషింగ్ హౌస్ లో ఉన్నా.. ఇంకా మూడవ block పూర్తిగా చూడాలి.. అయినా ఇక బయల్దేరాలి... జై సిండ్రిల్లా.. అనుకుని గబగబ బయట పడ్డా.. చేతుల్లో నిండుగా, బరువుగా ఉన్న సంచీలు సంబరపెడుతున్నా ఇంకా మొత్తం చూడలేదని అసంతృప్తి..!! లక్కీగా నేను ఇల్లు చేరాను.. అప్పుడే పాప ఆటో వచ్చింది. 




ఇంక మిగిలిన పార్ట్ చూట్టం వీకెండ్లో సరిగ్గా కుదరకపోతే తృప్తి ఉండదని.. మళ్ళీ మర్నాడు పొద్దున్నే బయల్దేరా.. అంచలంచలుగా తెరిచే టైమ్ కి చేరిపోయా. మళ్ళీ టాగూర్ పబ్లిషింగ్ హౌస్ దగ్గర నుండి మొదలుపెట్టి నాకిష్టమైన KFI పబ్లికేషన్స్, విజయవాడ స్టాల్స్... ఓ విజయవాడ స్టాల్లో సినిమా పుస్తకాలు బాగున్నాయి. వాటిల్లో ఆదుర్తి సుబ్బారావు గారి మీద పుస్తకమొకటి బాగుంది. షేక్స్పియర్ ప్లేస్ తెలుగులోకి అనువదించినవి ఆరో,ఏడో ఉన్నాయి. ఇవి కొనలేదు కానీ క్రిందటేడు బుక్ ఫెస్ట్ లో సోనెట్స్ కి ట్రాన్స్లేషన్ ఉంటే కొన్నాను. He is my most favourite!! ఎమ్మే ఫైనల్లో లాస్ట్ పేపర్ ఆప్షన్స్ లో "మోడర్న్ లిటిరేచర్" వదిలేసి "షేక్స్పియర్" తీసుకున్నా. ఫ్రెండ్సంతా నవ్వారు అబ్బా ఫోర్టీన్త్ సెంచరీ స్టఫ్ ఏం చదువుతావే అని. కానీ నాకెందుకో మొదట్నుండీ షేక్స్పియర్ అంటే ప్రాణం.......! ఓకె.. మళ్ళీ స్టాల్స్ దగ్గరకు వచ్చేస్తే, క్రితంసారి లాగానే ఈసారి కూడా ఓల్డ్ బుక్స్ కి డిస్కౌంట్ ఉన్న స్టాల్స్ ఉన్నాయి. ఏక్చువల్ గా సాహిత్య అకాడమీ స్టాల్ లో కొన్ని డిస్కౌంట్ బుక్స్ ఉన్నాయి. వీరలక్ష్మి గారు "భారతీయ నవల" లో మెన్షన్ చేసిన నవలలుచాలావరకూ! నేను భైరప్ప గారిదొకటి తీసుకున్నా. 


ఈసారి ఎక్కువగా రావూరి భరద్వాజ గారి పుస్తకాలు, చలం సమగ్ర సాహిత్యం, టాగూర్,శరత్ నవలల అనువాదాలు, ముళ్ళపూడివారి పుస్తకాలు, వంటల పుస్తకాలు ఎక్కువగా కనబడ్డాయి. ఎమెస్కో వాళ్ళు చాగంటివారి భాగవతం, రామాయణం, శివపురాణం ప్రవచనాలు కలిపి డిస్కౌంట్ పెట్టారు. అలానే తిలక్, గురజాడ, జాషువా ముగ్గురి సమగ్ర సాహిత్యంపై డిస్కౌంట్ పెట్టారు. పిల్లల పుస్తకాలు చాలా ఉన్నాయి + బాగున్నాయి కానీ రేట్లు చాలా ఎక్కువగా ఉన్నాయి. పిల్లల కోరికలను కాదనలేని పేరెంట్స్ వీక్నెస్ ని కనిపెట్టినట్లుగా పిల్లలు కావలనదగ్గ వస్తువులన్నీ స్టాల్స్ లో ఉన్నాయి..:) నే వరుసగా వెళ్ళిన రెండు రోజులూ రెండు మూడు స్కూళ్ళ వారు తమ పిల్లల్ని తీసుకొచ్చారు. ఛోటా భీమ్ స్టోస్ గురించి ఎంత తక్కువ చెప్తే అంత మంచిది.. మేము బలే..:)







చివరిగా నవోదయాకు మరోసారి వెళ్ళాను. నాకెప్పుడూ షాప్ లో కనబడే ఆయన ఉన్నారీసారి. అడిగిన బుక్సన్నీ గబగబా తీసిచ్చేసారు. నవోదయా కేటలాగ్ ఒకటిచ్చారు. అది ముందరే తీసుకుని ఉంటే వెతుక్కోవాల్సిన అవసరమయ్యేది కాదు. ఇంక లిస్ట్ లో రాసుకున్నవన్నీ దొరికేసాయనుకున్నాకా ఇంక బయల్దేరిపోయాను. రేపే ఆఖరిరోజు ఇంక..


ఈసారి కొన్న పుస్తకాలు..






ఇవండీ ఈయేటి 'పుస్తకాల తీర్థం' ఊసులు...!!!


Tuesday, December 10, 2013

'Krishna Leela' - 'Call of Krishna'






అసలు 'bliss'  అంటే ఇది! అనిపించే ఆల్బమ్ ఒకటి దొరికింది. అది  Pandit Jasraj, Pandit Hariprasad Chaurasia ల "Krishna Leela Vol. 1 & 2". ఎన్నిసార్లు విన్నా అద్భుతంగానే ఉందీ సీడీ.


ఆల్బమ్ ట్రాక్స్ వివరాలు:

Disc 1 : Hariprasad Chaurasia

1. Raga Mangaldhwani 
2. Raga Jog 
3. Raga Haripriya 
4. Pahadi Dhun 

ఈ ట్రాక్స్ ఇక్కడ వినవచ్చు:


Disc 2 : Pandit Jasraj

1. Govind Damodar 
2. Gokul Mei Bajat 
3. Braje Basantam 

ఈ ట్రాక్స్ ఇక్కడ వినవచ్చు:



***    ****    ***    ****     ***     *****    ***






సుప్రసిధ్ధ వేణుగాన విద్వాంసుడు హరిప్రసాద్ చౌరసియా మేనల్లుడు "రాకేష్ చౌరసియా". ఫలానా అని తెలుసు గానీ ఆయన సీడీలు ఇంతవరకూ కొనలేదు నేను. కొద్ది నెలల క్రితం రాకేష్ చౌరసియా ది "Call Of Krishna" అనే సీడీ కొన్నాను. చాలా బావుంది. ఒకే రాగం(raag: Bhopali) మీద నాలుగు ట్రాక్స్ ఉన్నాయి ఆల్బమ్ లో!





ఈ ఆల్బమ్ ఇక్కడ వినవచ్చు:

http://mio.to/album/23-classical_hindustani_instrumental/25031-Call_Of_Krishna_Vol_1/#/album/23-classical_hindustani_instrumental/25031-Call_Of_Krishna_Vol_1/


రాకేష్ చౌరసియా వెబ్సైట్ :
http://www.rakeshchaurasia.com/




'కాలభైరవాష్టకం'





ఇవాళ "కాలభైరవాష్టమి" ! మార్గశిర శుద్ధ అష్టమి నాడు "కాలభైరవ ష్టమి" అని కాలభైరవుడిని పూజిస్తారు. కాలభైరవుడు కాశీ క్షేత్రపాలకుడు. ఆయన గురించిన పురాణకథ ఇక్కడ చదవచ్చు :
http://archives.andhrabhoomi.net/archana/k-184


శ్రీ శంకరాచార్యులు రచించిన 'కాలభైరవాష్టకం' :

http://youtu.be/oVdFsADSIoc


 

Sunday, December 1, 2013

చలువపందిరి : "ये कौन चित्रकार है.."



రాసి తక్కువైనా, వాటి ఖ్యాతి మాత్రం ఎక్కువే. అటువంటి ప్రఖ్యాత సినీగీతాలను రాసిన రచయిత భరత్ వ్యాస్. ఏభైల్లో, అరవైల్లో హిందీ చిత్రాలకు గీతరచన చేసారు. ‘దో ఆంఖే బారహ్ హాత్’ చిత్రంలో అన్ని పాటల్లోనూ ఎంతో అద్భుతమైన ‘ऎ मालिक तेरॆ बिंदॆ हम’ పాటను రాసినది ఈయనే. “నవరంగ్” లో ‘आधा है चंद्रमा रात आधी’, ‘जा रॆ नट्खट ‘ పాటలను, ఇంకా ‘ज्यॊत सॆ ज्यॊत जलातॆ चलॊ.. प्रॆम की गम्गा बहातॆ चलॊ’, ‘तॆरॆ सुर और मॆरॆ गीत’, ‘तुम गगन की चंद्रमा ‘, ‘आ लौट कॆ आजा मॆरॆ मीत’ మొదలైన చిరస్మరణీయమైన గీతాలకు రచన చేసారు భరత్ వ్యాస్.



ప్రయోగాత్మకమైన, కళాత్మకమైన చిత్రాలను రూపొందించిన దర్శకుడు శ్రీ వి.శాంతారామ్ రూపొందించిన ఓ చిత్రం “బూంద్ జో బన్ గయీ మోతీ”! 
గీతకర్త 'భరత్ వ్యాస్' రచించిన మరో అందమైన గీతం “ये कौन चित्रकार है.. ” ఈ చిత్రం లోనిదే! ఆ పాట గురించిన కబుర్లు ఇక్కడ: 
http://vaakili.com/patrika/?p=4461


ఈ గీతాన్ని ఇక్కడ చూడవచ్చు: