సత్సంగత్వే నిస్సంగత్వం
నిస్సంగత్వే నిర్మోహత్వమ్ |
నిర్మోహత్వే నిశ్చలతత్త్వం
నిశ్చలతత్వే జీవన్ముక్తిః ||

Monday, June 18, 2012

"మెహదీ హసన్" స్మృత్యర్థం.."రంజిషీ సహీ..."


ఇటీవలే స్వర్గస్థులైన గజల్ రారాజు "మెహదీ హసన్" స్మృత్యర్థం... నాకు బాగా ఇష్టమైన గజల్ "రంజిషీ సహీ..." !


ఈ గజల్ మొదట పాపులర్ అయ్యింది "మెహదీ హసన్" గళంలో. తర్వాత రూనాలైలా, ఆశాభోంస్లే తదితరులు పాడిన వెర్షన్స్ కూడా ఉన్నాయి. రూనాలైలా పాడిన ఈ గజల్ గురించి గతంలో రాసిన టపా.. http://samgeetapriyaa.blogspot.in/2010/08/runa-lailas.html



రచన: Ahmed Faraz








సాహిత్యం నాకు అర్థమైన అర్ధాలతో పాటూ:


रंजिश ही सही दिल ही दुखाने के लिए आ
आ फिर से मुझे छोड़ के जाने के लिए आ ।


रंजिश= వైరం/శతృత్వం


पहले से मरासिम न सही फिर भी कभी तो
रस्म-ओ-रह-ए-दुनिया ही निभाने के लिए आ ।


मरासिम=ఒప్పందం/బంధుత్వం
रस्म-ओ-रह-ए-दुनिया= సమాజపు కట్టుబాట్లు

किस किस को बताएँगे जुदाई का सबब हम
तू मुझ से ख़फ़ा है तो ज़माने के लिए आ ।


सबब= కారణం
ख़फ़ा= కోపం


कुछ तो मेरे पिन्दार-ए-मुहब्बत का भरम रख
तू भी तो कभी मुझ को मनाने के लिए आ ।


पिन्दार= స్వాభిమానం


एक उम्र से हूँ लज़्ज़त-ए-गिरिया से भी महरूम
ऐ राहत-ए-जाँ मुझ को रुलाने के लिए आ ।


लज़्ज़त-ए-गिरिया= బాధ/కన్నీరు తాలూకు రుచి
महरूम= లేకుండా
राहत-ए-जाँ=ప్రశాంత జీవితం


अब तक दिल-ए-ख़ुश’फ़हम को तुझ से हैं उम्मीदें
ये आख़िरी शम्में भी बुझाने के लिए आ ।


दिल-ए-ख़ुश’फ़हम= ఆశావాద హృదయానికి,
शम्में= కొవ్వొత్తి





తొలకరి వర్షపు హేల


వర్షాకాలం వస్తోంది అంటే "బాబోయ్ వర్షం" అని భయపడిపోయే నేను ఈసారి ఎప్పుడెప్పుడు వాన పడుతుందా అని చాతకంలా ఎదురుచూసాను. మరి ఈసారి వేసవి మనసునీ, శరీరాన్నీ కూడా అంతగా మండించింది. చిన్నప్పటి నుండీ విజయవాడ మండుటెండలకు అలవాటుపడిన ప్రాణం కూడా ఈఏటి వేడిమిని భరించలేకపోయింది. ఈ ఇంట్లోని సదుపాయాలను సరిగ్గా చూసుకోకుండా అద్దెకు చేరటం మేము చేసిన పేద్ద పొరపాటని ఈ వేసవి వచ్చేదాకా తెలీలేదు మాకు:( చాలాఏళ్ల తరువాత కూలర్లు, ఏసీ, కనీసం వట్టివేళ్ల తడికలు కూడా లేకుండా నానారకాల ఇబ్బందులతో రెండునెలలూ ఎలానో గడిపేసాము..! నాలుగురోజుల క్రితం ఊళ్ళో చాల చోట్ల వాన పడిందిట కానీ మా దగ్గరకి రాలేదు. ఇక మేము ఒళ్ళంతా కళ్ళు చేసుకుని ఎదురుచూస్తున్న రోజు వచ్చింది.. నిన్న !




ఎన్నాళ్లకెన్నాళ్ళకెన్నాళ్ళకన్నట్లుగా నిన్నటి రోజంతా కురిసి కురిసి మురిపించి పులకింతలు రేపి వెళ్ళింది వాన. వర్షానికి తోడొచ్చిన చల్లని గాలి మనసు నిండా ఆనందం నింపింది. రెండ్రోజుల క్రితమే వాతావరణం చల్లబడిందని చల్లిన విత్తనాల్లోంచి తలలెత్తిన బుల్లి బుల్లి ఆకులు కూడా నిన్ననే ఆకాశాన్ని చూశాయి. మేఘాలు గొంతులెత్తాయి.. చెట్టు, చేమా, పుట్టా, గట్టూ, రోడ్డు, మట్టీ, మనిషీ, మనసూ.. అన్నీ తడిసి చల్లబడ్డాయి. పచ్చదనం కొత్త అందాలను సంతరించుకుంది. అప్రయత్నంగా "చినుకు చినుకు చినుకు చినుకు..." పాట గుర్తుకొచ్చింది. ఎండ వేడికి ఎండిన మట్టిపై కురిసిన పన్నీటి జల్లుల తొలకరి వాన తెచ్చిన కమ్మని మట్టివాసనను పీల్చుకుని మనసు ఉప్పొంగిపోయింది. కష్టమంటే ఏమిటో తెలిస్తేనే సుఖంలోని ఆనందం బోధపడేది. చల్లదనం కోసం, తొలకరి చినుకు కోసం తపించిపోయాకా.. ఒక్కసారిగా దేవుడు ప్రత్యక్ష్యమై వరమిచ్చినట్లుగా రోజంతా వర్షం కురవటం చెప్పలేని సంబరాన్ని కలిగించింది.






కాస్తంత నలతగా ఉండటం వల్ల వర్షంలోకి వెళ్ళి తడవలేకపోయినా ఇంట్లోంచే చూసి ఆనందించాను. గత రెండు నెలలుగా భరించలేకపోతున్న పవర్ కట్స్ వల్ల ...కరెంటు పీకగానే మళ్ళీ ఇచ్చేదాకా ఆ కరెంటుఆఫీసు వాళ్లని వచ్చిన నానారకాల తిట్లన్నీ తిట్టేసుకునే నేను నిన్న సాయంత్రం నాలుగింటికి తీసేసి పన్నెండు దాటినా పవర్ ఇవ్వని కరెంట్ఆఫీసువాళ్ళని ఒక్కసారి కూడా తిట్టుకోలేదంటే అదంతా వర్షం మహిమే. వానలో ఆడుకుని ఆడుకుని పిల్లది కూడా గుమ్మంలోనే తలగడ వేసుకుని నిద్రోయింది. కేండిల్ లైట్ లోనే వంట చేసి, red fm వాళ్లు వినిపిస్తున్న తియ్యని ఆపాత మధురాలను వింటూ కేండిల్ లైట్ డిన్నర్ కూడా చేసేసాం. ఒకదాని తర్వాత ఒకటిగా అద్భుతమైన పాటలు మనసుల్ని రంజింపజేసాయి. బయట చల్లదనానికి కరెంట్ లేకపోయినా నిద్ర ముంచుకొచ్చేసింది.



ఎటొచ్చీ డాబా పైనుంచి క్రిందకు పారిన వర్షపు నీరంతా వృధా అయ్యిందని మాత్రం బాధ కలిగింది. అదంతా నిలువ చేస్తే నాలుగు రోజులు రెండువాటాల వాళ్లం వాడుకోదగ్గ నీరు ఉంటుంది. ఈ ఇల్లుగలాయనకు దూరాలోచన లేదు అనుకున్నాం. ఏదేమైనా నిన్నటి తొలకరి వర్షపుచినుకులు మాత్రం చాలా ఉల్లాసపరిచాయి. నిన్న నాకు గుర్తుకొచ్చిన పాట మీరూ ఓసారి వినేయండి...



చిత్రం: సిరివెన్నెల, రచన : సీతారామశాస్త్రి

చినుకు చినుకు చినుకు చినుకు

తొలితొలి తొలకరి చిలికిన చినుకు

పిలుపు పిలుపు పిలుపు పిలుపు

పుడమికి పులకల మొలకల పిలుపు

ఆషాఢమాసాన ఆ నీలిగగనాన మేఘాల రాగాల ఆలాపన

ఆషాఢమాసాన ఆ నీలిగగనాన మేఘాల రాగాల ఆలాపన

మేఘాల రాగాల ఆలాపన...


Wednesday, June 13, 2012

మల్లాది సూరిబాబు గారి "వేదనలో హాయికై.."



మల్లాది సూరిబాబు గారి గురించీ, ఆయన పాడిన "వీడకుమా విడనాడకుమా" పాటతో పాటుగా తృష్ణ లో ఓ టపాలో రాసాను. (http://trishnaventa.blogspot.in/2011/03/blog-post_16.html)

నాకెంతో ఇష్టమైన వారి గళం నుండి మరో లలిత గీతం.. " వేదనలో హాయికై వెదకువాడను నేను" చాలా బావుంటుంది. ఆయనే స్వరపరుచుకున్నారు ఈ పాట. విని ఆ హాయిలోని వేదనని మీరూ వినేయండి..





వేదనలో హాయికై వెదకువాడను నేను
వెతనైనా నన్నేలా బ్రతుకనీయవే చెలీ
వేదనలో హాయికై...(2)

కోమలీ...(2) నీ కన్నుల కోపాగ్ని రగిలినా(2)
కోరి చేరితిని..
ప్రళమమో విలయమో(2)
((వేదనలో))

తరుణీ...(2) నీ మృదుమోవి దూషణలే దూసినా(2)
తపియింతును వాటికై
విరహమో వివశమో(2)
((వేదనలో))

వెలది చషకము బూని దోసిళ్ళే నింపినా
వెలది...(2) వెలది చషకము బూని దోసిళ్ళే నింపినా
విషమై నను గ్రోలెదనో...(2)
తాపమో దాహమో...(2)
((వేదనలో))


చాలా తక్కువ క్వాలిటి తో ఉన్న ఈ ఆడియోను ఈమాత్రం వినేలా బాగుచేసిపెట్టిన మా అన్నయ్యకి బోలెడు థాంక్యూలు.


Saturday, June 9, 2012

బాపు చిత్రకళా ప్రదర్శన 24-2-74



ఆ మధ్యన నాన్నగారి పుస్తకాలు సర్దుతూంటే ఈ ప్రత్యేక సంచిక దొరికింది. '74 లో రాజమండ్రి లో జరిగిన బాపూ బొమ్మల కొలువన్నమాట ! ఆ పుస్తకం ఇప్పుడు దొరకటం అరుదు కాబట్టి అందులోని చాలామటుకు చిత్రాలకు ఫోటోలు తీసాను బ్లాగ్మిత్రుల కోసం. క్రిందన ఉన్న ఆ చిత్రాలు మీరూ చూసి ఆనందించండి..




పుస్తకం ముందు భాగంలో ఆరుద్ర గారు రాసిన కవిత, శ్రీ ఎం.వీ.ఎల్ గారు బాపూ గారి గురించి రాసిన వ్యాసం కూడా ఫోటోల్లో పెడుతున్నాను. ఫోటో సైజ్ పెద్దగా చేసుకుని ఎం.వీ.ఎల్ గారి వ్యాసం చదవవచ్చు.





















Tuesday, June 5, 2012

Oats Oats...


ఈమధ్య అన్ని సూపర్మార్కెట్ల లో, చాలా మంది ఇళ్ళల్లో కనబడుతున్న Oatsను చూస్తుంటే "అంతా ఓట్స్ మయం..జగమంతా ఓట్స్ మయం..." అని పాడాలనిపిస్తూ ఉంటుంది నాకు. నా కాలేజీ చదివే రోజుల్లో చపాతీలే ఆరోగ్యకరం అని అంతా చపాతీల్లోకి దిగారు. రెండో పూట భోజనం మానేసి చాలా మంది చపాతీలు చేసుకునేవారు. అప్పట్లో రోటీ మేకర్లు విరివిగా అమ్ముడుపోయాయి. నంబర్ వన్ స్థానాన్ని కోల్పోయిన హీరోయినయిపోయింది చపాతీ. ఆ ప్లేస్ ని ఇప్పుడు ఓట్స్ భర్తీ చేసింది. ఇవి నిజంగా ఉపయోగకరమే కానీ మార్కెట్లో వస్తున్న రకరకాల ఓట్స్ చూస్తూంటే జనాలకి ఏ పిచ్చి పడితే పిచ్చే అన్నట్లుగా ఉంది పరిస్థితి.


మొదట్లో క్వేకర్స్ ఓట్స్ మాత్రం దొరికేవి. ఇప్పుడు ఐదారు రకాల ఓట్స్ పేకెట్లు బజార్లో లభ్యమౌతున్నాయి. కొన్ని కంపెనీలవాళ్ళు ఓట్స్ రెసీపీలు ఏకంగా వాళ్ల వెబ్సైట్స్ లో పెట్టేసారు. క్రింద ఉన్న "సఫోలా" వాళ్ల లింక్ లో ఏ వంటకం తాలూకూ బొమ్మపై క్లిక్ చెస్తే ఆ రెసిపీ నిమిషంలో మనకు కనబడుతుంది.
http://www.saffolalife.com/saffola-oats/do-more-with-saffola-natural-oats

క్రింద ఉన్న క్వేకర్స్ ఓట్స్ వాళ్ల లింక్లో ఏకంగా ఓట్స్ రెసిపిల పి.డిఎఫ్.ని డౌలోడ్ కి పెట్టేసారు.
http://www.quakeroats.com/cooking-and-recipes.aspx

కొన్ని ఓట్స్ పేకెట్లతో పాటూ రెసిపీ బుక్స్ ఉచితంగా అందజేస్తున్నారు. ఆ పుస్తకాల్లో అదీ ఇదీ అని లేదు.. ఇడ్లీ దగ్గర నుండీ లడ్డూ వరకూ అన్నీ ఓట్స్ తో చేసేస్కోండి..సింపుల్ అంటాడు. రెగులర్ గా కాకపోయినా అప్పుడప్పుడు నేను ఓట్స్ ఉప్మా తింటూంటాను. ఎవరికి తెలీకుండా కాస్త ఓట్స్ దోశల పిండిలో, చపాతి పిండిలో కలిపేస్తూ ఉంటాను..:) సరదాగా ఈ రెసిపి బుక్స్ లోంచి ఏవైనా ట్రై చెయ్యనా అంటే "తల్లీ, నీ ఓట్స్ కీ నీకూ ఓ దణ్ణం..నన్నొదిలెయ్..ఏం పెట్టినా తింటా ఈ ఓట్స్ తప్ప " అంటారు శ్రీవారు.



ఇప్పుడు చిన్న చిన్న 20gms ఓట్స్ పేకెట్లు వస్తున్నాయి. పొద్దున్నే పాలల్లో కలుపుకునేవీ, లేదా ఇన్స్టెంట్ ఉప్మా చేసుకునేవీ. వీటిలో కూడా రకరకాల ప్లేవర్లు. మసాలా, వెజిటబుల్, చిల్లీపెప్పర్ మొదలైన ఇన్స్ టెంట్ ఉప్మా రకాలు నాకంతగా నచ్చలేదు కానీ పాలల్లో కలుపుకునే పోరిడ్జ్ మిక్స్ లు నాకు బాగా నచ్చాయి. వాటిల్లో కేసర్, ఏపిల్ కిస్మిస్, స్ట్రాబెర్రీ ఇలా రకరకాల ఫ్లేవర్స్ ఉన్నాయి. పొద్దున్నే టీ, కాఫీ లేదా టిఫిన్ లేటయితే ఆకలి వేయకుండా ఈ చిన్నపేకెట్ అర గ్లాసుడు పాలల్లో వేసుకుని తినేయచ్చు. కాస్త ఆకలి ఆగుతుంది. ఆ వేసుకునే అరగ్లాసుడూ డైట్ పాలు అయితే ఇంకా మంచిది.


 
ఏదైనా నచ్చితే మనం తింటే పర్వాలేదు. కానీ ఇంట్లో అందరూ అదే తినాలంటే కష్టం కదా. మా కజిన్ వాళ్ల ఆఫీసులో బాసుగారికి బొజ్జెక్కువైందని వాళ్ళావిడ ఇంట్లో అందరికీ ఓట్స్ మాత్రమే టిఫిన్ పెడుతుందిట. సాయంత్రం కూడా ఓట్స్ టిఫినేట. ఆయన ఇంట్లో విధేయంగా ఓట్స్ తినేసొచ్చి, ఆఫీసులో ఎవరు దొరికితే వాళ్ళని అలా సమోసా తినొద్దాం వస్తావా? అని తీస్కెళ్ళి బయట దొరికిన నానారకాలూ తినేసి, తినిపించేసి వచ్చేస్తుంటాడుట. సాయంత్రం వాళ్ళావిడకు ఫోన్ చేసి "డార్లింగ్ బోలెడు ఆకలివేసేస్తోందిరా... పొద్దున్న నువ్వు పెట్టిన టిఫినే.. ఇంకేమీ తిన్లేదు.." అంటాడుట. పాపం వాళ్ళావిడ నమ్మేస్తూ ఉంటుందిట. మా కజిన్ కలిసినప్పుడల్లా ఆ బాసు గురించి చెప్పనూ నవ్వనూ..:) నెయ్యి వాడకం కూడా మాననివారు సైతం పాలల్లో ఓట్స్, మజ్జిగలో ఓట్స్ వేసుకుని తాగేయ్యటం ఆశ్చర్యకరమైనా ఇది ఖచ్చితంగా ఓట్స్ వ్యాపారస్తుల ప్రకటనాఫలితమే.


ఫైబర్ ఎక్కువగా ఉండే ఈ ఓట్స్ ఆరోగ్యానికి మంచివే. ఓట్స్ తింటే సన్నబడటం నిజమే కావచ్చు కానీ ఓట్స్ మాత్రమే శరీరాన్ని ఆరోగ్యమయం చేసేస్తాయన్నది కేవలం భ్రమ. వ్యాపార చిట్కా అంటే. ఆహార నియమాలతో పాటూ శరీరానికి వ్యాయామం కూడా అవసరమన్న సంగతి ఓట్స్ ని అమ్మేవాళ్ళూ, వాటిని నమ్ముకున్నవాళ్ళు మరిచిపోతున్నారేమో !!








Saturday, June 2, 2012

Songs of Cliff Richard



ప్రఖ్యాత బ్రిటిష్ పాప్ గాయకుడు
క్లిఫ్ రిచార్డ్(Cliff Richard) పేరు తెలియని వారు ఉండరు. గాయకుడు, స్వరకర్త, నటుడు, మానవతావాది అయిన క్లిఫ్ రిచార్డ్ పాటంటే చెవికోసుకునేవారు అరవైల్లో కుర్రకారు. పాట పాడటంలో అతనిది ఒక విలక్షణమైన శైలి. అతని మెత్తనిగళం నుండి జాలువారిన ఏ పాటైనా జనాదరణ పొందేసేదిట అప్పటి రోజుల్లో. చిన్నప్పుడు నాన్న కేసెట్ పెట్టుకుని వింటుంటే మేం కూడా తనతో పాటే శ్రధ్ధగా అతని పాటలు వింటూ ఉండేవాళ్ళం.

ప్రఖ్యాతి గాంచిన క్లిఫ్ రిచార్డ్ పాడిన మెస్మరైజింగ్ పాటలు కొన్ని...


1)Evergreen tree



--------

2)congratulations


-------------

3)fall in love with you



-----------

4) The twelfth of never


------------

5) miss you nights


-------------
6) spanish harlem


----------

7)we don't talk anymore



-----------------

8)the bachelor boy


---------------------

9)all my love




-------------------

10)Constantly