వటపత్ర శాయికీ వరహాల లాలి

మధురమైన పి.సుశీల గాత్రానికి అద్భుతమైన నారాయణరెడ్డి గారి సాహిత్యం జోడై అమృతాన్ని తలపిస్తే, ఇళయరాజా అందించిన స్వరాలు వెన్నెలలు కురిపిస్తాయి...!

ఈ పాటలో "కరిరాజముఖునికి గిరితనయ లలి.." వాక్యం నాకు చాలా నచ్చుతుంది. అలానే "త్యాగయ్య లాలి..." అనేప్పుడు సుశీల పలికించే గమకం బావుంటుంది. ఇక పాట మొత్తంలో రాధిక ముఖంలో కనబరిచే హావభావాలకి హేట్స్ ఆఫ్..అనాలనిపిస్తుంది.

స్వాతిముత్యం చిత్రం నుంచి నాకెంతో ఇష్టమైన పాట...



సాహిత్యం:

లాలి లాలి లాలి లాలి (2)
ప: వటపత్ర శాయికీ వరహాల లాలి
రాజీవనేత్రునికి రతనాల లాలి
మురిపాల కృష్ణునికీ...(2) ముత్యాల లాలి
జగమేలు స్వామికి పగడాల లాలి ((ప))

1చ: కల్యాణరామునికి కౌసల్య లాలి(2)
యదువంశవిభునికి యశోద లాలి(2)
కరిరాజముఖునికీ...(2) గిరితనయ లాలి
పరమాంశభవునికి పరమత్మ లాలి ((ప))

జోజో.. జోజో.. జో...(2)

2చ: అలమేలుపతికి అన్నమయ్య లాలి(2)
కోదండరామునికి గోపయ్య లాలి(2)
శ్యామలాంగునికి శ్యామయ్య లాలి(2)
ఆగమనుతునికి త్యాగయ్య లాలి ((ప))